Alegiako Udalaren, festa batzordearen eta Eztanda talde feministaren ekimenez, aurten ere Ez ezetz da! kanpaina egingo dute herriko festetan. Edozein motako erasoen aurrean laguntza eskaintzea da gaurtik astelehenera martxan egongo den protokoloaren helburua. Horretarako, prest daude erasoak salatzeko 606 797 135 telefono zenbakia, festetan besoko moreekin ibiliko diren boluntarioak eta baita taberna zein txosnetako arduradunak ere, jarrera desegokien aurrean beharrezko neurriak hartzeko.
Aurreko urteetan egin den bezala, etxera taldean joateko hitzorduak ere izango dira uztailaren 12tik 16ra. Orendaingo bidegurutzea izango da elkargunea eta hauek dira ordutegiak:
- Uztailak 12, asteazken gaua: 02:00/04:00.
- Uztailak 13, ostegun gaua: 02:00.
- Uztailak 14, ostiral gaua: 01:00/03:00/05:00.
- Uztailak 15, larunbat gaua: 01:00/03:00/05:00.
- Uztailak 16, igande gaua: 02:00/04:00.
Dena den, edozein garaitan norbaitek etxera joateko laguntza beharko balu, 606 797 135 telefono zenbakira deitu dezake eta denbora tarte labur batean, laguntza izango du.
Bide batez, jaiak modu askean bizi eta gozatzera animatu nahi dituzte herritarrak, baina baita salatzera ere, jokabide desegokiren bat ikusiko balute.