Gaur eguerdian hartu dute kargua Alegiako bederatzi hautetsiek. Gehiengoa izango du legealdi berrian Aurrera Alegia taldeak eta oposiziora pasako da EH Bildu, maiatzaren 28ko udal hauteskundeetan hautagaitza independenteak 14 botoko aldearekin irabazi eta gero.
Regina Sorarrainek alkate kargua hartu du eguerdian egin duten osoko bilkuran.Eskerrak eman nahi izan dizkie bere taldkideei aurreko lau urteetan eta orain ere beregan jarritako konfiantzagatik. Herritarrei ere eskerrak ematearekin batera, jaso duten ardura "erantzukizunez, umiltasunez, ilusioz eta lanerako gogoz" hartzen dutela adierazi du alkateak. Emakumeenganako aldarria ere egin nahi izan du, "gu gaur hemen baldin bagaude, aurrekoek beraien ametsak albo batera utzi zituztelako delako, gureak bete ahal izateko".
Berekin batera, honako hautetsiek osatuko dute Alegiako udalbatza:
- Regina Sorarrain Lasa (Aurrera Alegia)
- Andrea Larrañaga Ceballos (Aurrera Alegia)
- Maria Jesus Gaztañaga Otermin (Aurrera Alegia)
- Jose Javier Zabala Murua (Aurrera Alegia)
- Maialen Landart Herrero (Aurrera Alegia)
- Edurne Arrayet Garmendia (EH Bildu)
- Alex Goikoetxea Pagola (EH Bildu)
- Asier Ezeiza Irazustabarrena (EH Bildu)
- Amaia Jimenez Arandia (EH Bildu)
