Alegiako Udalak bat egin du Zaporeak Gobernuz Kanpoko Erakundeak sustatuta, Greziako errefuxiatuen kanpamentuetan dauden pertsonentzako negurako oinetakoak biltzeko kanpainarekin.
Neguko baldintza gogorrei aurre egiteko botak, zapatilak eta zapatak behar dituzte Greziako kanpamentuetan, eta oinetako ezberdinak bildu nahi dituzte bertara bidaltzeko. Alegian hilaren 19an, ostiralean, egingo dute bilketa 17:00etatik 20:00etara. Errefuxiatuek neguan oinetakoak izan ditzaten, Alegiako plazan egongo dira herritarren oinetakoak jasotzeko zain.
Herritarrak etxean dituzten eta erabiltzen ez dituzten oinetako horiek ematera animatu nahi dituzte, "badelako oinetako horien beharra duen jendea". Beharrezkoa da oinetakoak egoera onean egotea erosoak izatea.