Bi edo hiru aste egongo da Artola jokatu gabe

Argazkia: BAIKO



Atzo egindako proba medikoen arabera, Iñaki Artolak zuntz haustura du eskuin izterreko bizeps femoralean. Igandean jokatutako binakako txapelketako partidan hartu zuen min.

Alegiako aurrelariak, beraz, baja hartu du eta fisioterapia tratamendua hasiko du pilotalekuetara lehenbailehen itzultzeko. Kantxetatik kanpo bi edo hiru aste egongo dela aurreikusten da. Ostiral honetan zuen hurrengo partida binakakoan, eta bere ordez Bengoetxea VI.ak jokatuko du.

Jakak bigarrena ere galdu

Atzo gauean jokatu zuten Jaka-Martija bikoteak binakako txapelketaren bigarren partida, eta hau ere galdu egin zuten. Elezkano II-Zabaleta izan zituzten aurrean, eta 19-22 izan zen azken emaitza.

Jaialdi berean, Iker Elizegik ere bere bigarren partida jokatu zuen promozioko binakako txapelketan, eta Bakaikoa aurrean zuela, 17-22 galdu zuen Alberdi-Salaverri II bikoaren aurka. Punturik ez du batu oraindik asteasuarrak.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!