Alegiako Udalak uztailean jarri zuen martxan herriko saltokietan kontsumoa sustatzeko bonuen kanpaina, eta amaierara iristear da. Oraindik, ordea, bonu batzuk geratzen dira salgai kultur etxean.
Kanpaina honi esker, herritarrek bost euroko bonuak erosi eta hamar euro kontsumitzeko aukera dute herriko saltokietan. Urriaren 16a, ostirala, izango da azken bonuak eskuratzeko eguna. Interesatuek kultur etxean erosi beharko dituzte bonuak 16:00etatik 19:00etarako ordutegian.