Tolosan ezkongaien arropan hutsunea zegoela antzeman eta merkatu horri ekitea erabaki zuen. Honela, lehenengoz Wed in Sas Sebastian azokan parte hartu du bere diseinuekin: "Zurea beste 61 diseinatzaileen artean berezia egitea zaila da, baina bakoitzak bere puntua dauka. Nik badakit niregana datorrena ez dela joango bestearengana, nirea gustatu zaiolako eta alderantziz. Bakoitzak berea egin behar du".
Inge Zubeldiaz ezkondu nahi duten ezkongaiak "femeninoak eta sobrioak" direla aitortzen du alegiarrak. Gainera, bere oihalei erreparatuta "lan delikatuaz" ari garela argi du.
Etorkizunera begira, "pasarela garrantzitsu batean" ikusi nahiko lituzke bere sormen lanak. Urrutira joanda New York aipatzen du gazteak, baina gertuagora begira, "Bartzelonako Bridal Week-ean" parte hartzea gustatuko litzaiokeela argi utzi du Ataria-ko mikrofonoetan.
