Joan den igandeko udal hauteskundeetan, emaitza onak lortu zituen Aurrera Alegia alderdiak. Estreinakoz aurkeztu ziren alkatetzara eta, 421 botorekin, 4 zinegotzi eskuratu zituzten, EH Bilduk (481 boto) baino 60 gutxiago. «Ez daukagu hitzik herritarrek gugan jarri duten konfiantza eskertzeko», dio Regina Sorrarain alkategaiak: «Lehen aldiz aurkeztu, eta lortutako emaitzak izugarriak direla iruditzen zaigu».
Herriak erabakitzen zuen lekutik lan egitea agindu zutela gogorarazi nahi izan dute: «Eta horrela izango da. Oposiziotik arituko gara, herriko egunerokotasuneko arazoei aurre egiten, gure bizilagunen bizi kalitatea hobetzeko laguntzen, baita herri erakargarri bat eraikitzen ere». Erantzukizunez eta arduraz arituko direla aitortu dute: «Herriari entzun eta, gure programatik aparte, edozein herritarren kezka eta arazoak konpontzen saiatuko gara».
Arestian aipatu bezala, Aurrera Alegia alderdiko lau zinegotzi izango dira, datorren lau urteetan, udaletxean: Regina Sorarrain, Andrea Larrañaga, Maialen Landart eta Pili Palomares.
Aurrera Alegiak eskerrak eman dizkie alegitarrei
Udal hauteskundeetan jasotako babesarengatik, «herri hobe baten alde lanean jarraitzeko 421 arrazoi dituztela» diote.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!