Egitasmoaren bultzatzaileek bi taldez osaturiko klub bat sortu nahi dute, eta guztiari buruz hitz egiteko bilera irekia hilaren 26an, 19:00etan, kultur etxean egingo dute. Talde horietako bat emakumezkoena izango litzateke, eta bestea gizonezkoena; bi kasuetan, 16 urtetik gorako kidez osatuta.
Klub bat eratzeak pauso ugari ematea eskatzen du, taldeak osatzeaz gain. Saskibaloirako afizioa duten 16 urtetik gorako herritar guztiak bertaratzera deitu dituzte, eta baita klubaren eratzean edo bestelako lanetan lagundu nahi dutenei ere.