Alegiako jaietan bere lekua egiten ari da Goitibehera Jaitsiera, batik bat bere ikusgarritasunagatik.
Aurten, uztailaren 14an, larunbatez, egingo da. Jaitsiera egingo den hirugarren aldia izango da. Galarretako bidean behera egingo dute, 15:00etan hasita.
Izena emateko epea zabalik dago eta uztailaren 10, asteartea, izango da horretarako azken eguna. Izena eman nahi dutenek Euskal Herriko Inertzia Kirolen Federazioaren webgunean eman beharko dute, www.ehikf.eus helbidean sartuta.