Gipuzkoan geratzen den hartxintxarrezko futbol zelai bakarra da Elorri, eta hurrengo denboraldirako eraldatu egingo dute, eta belar artifizialezkoa bihurtu.
Hori dela eta, egungo jokalarien eta urte hauetako jokalari ohien arteko lagunarteko partida jokatu dute gaur goizean. 20tik gora izan dira batu diren jokalari ohiak, eta Tito Venegas aritu da entrenatzaile lanetan –bera ere urte luzez lan horretan aritua da Intxurren–.
Neurketa lagunartekoa bazen ere, epaile bat gonbidatu dute. Eta ez edozein, gainera. Joxe Iglesias alegiarrak hartu du ardura hori. Hain zuzen, 1995ko uztailean, Elorrin jokatu zen lehen neurketako epailea bera izan zen.
Neurketaren ondoren, triki-poteoa egin dute herriko kaleetan zehar, eta plazan batu dira bazkaltzeko. Harrobiko gainerako gaztetxoak ere bertan izan dira.
Argazkiak: Mikel Iraola / Patxi Renobales
