Taldeak bere Facebook orrian eman du amaieraren berri: "Duela bost urte, gaurko egunez [atzo] eman genuen gure lehen kontzertua Bergarako gaztetxean. urtemuga ezin aproposagoa beraz, Bi Bala taldearen agurra iragartzeko". Taldeak eskerrik asko eman dizkie "bost urte eder hauetan lagun izan zaituztegunoi".
Bi Balaren asmoa Lazkaon agurtzea zen, azken kontzertu bat emanez, baina istripu bat tarteko, bere asmoa zapuztu egin dela azaldu dute. Aurrerago azken kontzerturen bat antolatzen badute, iragarriko dutela azaldu dute musikariek.
Hiru disko kaleratu dituzte Bi Bala taldekoek: Wasabi, 2014ean, autoekoizpenaren bitartez; Gure eroyak (2015) eta Arazo modernoak (2017), biak Bonberenea Ekintzak zigiluarekin.
Irakurri bere azken lanaren inguruan Tolosaldeko Ataria-k argitaratutako artikulua.