Iñaki Artolak ez du partida txarra jokatu gaur Tolosako Beotibar pilotalekuan. Elezkano II.ak, ordea, jokotik, partidatik eta txapelketatik ezeztatu du alegiarra.
22-11 nagusitu da bizkaitarra, eta bere, arma sakea izan da. Zuzenean bi tanto bakarrik lortu ditu Elezkano II.ak, baina goitik loratutako sake gurutzatua trabatu egin zaio Artolari. Nola erantzun jakitea ere ez zen erraza. Atzera joan eta botera erantzuten saiatu da, airez, eskuinez, ezkerrez... baina ezin errematea kendu. Aurkaria zoriontzea geratzen da.
Elezkano II.ak bi pilota galdu eta 16 tanto egin ditu. Horietatik bederatzi airez. Artolak lau galdu eta bederatzi egin ditu.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!