Alegiako Udalak, Aste Santuko oporrei begira, 6 eta 12 urte bitarteko haurrentzat, bi egunetarako ez ohiko egitasmoa prestatu du. Hogeita hamar ume inguruk emana zuten izena jardueran parte hartzeko.
Atzo, Ordiziako Oianguko natur parkera joan ziren eta Aranzadiko kideekin bertako habitat ezberdinak ezagutu zituzten. Horretarako jolas ezberdinak egin zituzten, eta egun osoko irteera izan zuten atzokoa.
NATUR MAKETAK EGITERA
Gaur, hilak 27, ludotekara joango dira haurrak, eta Aranzadiko kideak izango dituzte bertan zain. Gazteek natur maketak egingo dituzte, bezperan Oiangun ikusitakoaren inguruan.
Landutako habitaten ingurukoak izango dira egin beharko dituzten maketak: putzua, basoa eta landa gunea.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!