Unai Iraola alkateak azaldu duenez, "astean zehar hainbat eragilerekin hitz egin da eta herrian zegoen sentimendua izan da elkarretaratze bat egitea, eta jaso den emaitza positiboa izan da". Jende ugari elkartzeak aurretik egindako lanaren ondorioa dela esan du Iraolak: "Ereindakoaren emaitza ere bada. Gero eta tolerantzia gutxiago dago horrelako erasoen aurrean, eta urtetan zehar egindako salaketa publikoek zein egindako lanketa guztiek, gero horrelako kasu baten aurrean horrelako emaitzak ematen ditu. Eskertzen da udaletik bai eragileei bai elkarretaratzera etorri diren herritar guztiei beren babesa eskaintzea".
Iraolak gaineratu duenez, "bidea hau da, denek elkarrekin egin behar dugu gizarte parekide bat lortzeko eta garbi uzteko mota honetako erasoek ez dutela lekurik, ez Alegian ez inon".