Iragan astean emakume batek Alegia eta Tolosa arteko bidegorrian jasan zuen sexu eraso saiakera salatzeko, Alegiako Udalak elkarretaratzea deitu du biharko, 19:00etan. Herriko plazan egingo den elkarretaratzeak Alegiako talde eta eragile ugariren babesa jaso du eta udalak herritar guztiei salaketa ekintza horretan parte hartzeko deia egin die.
Ondokoak dira atxikimendua adierazi duten talde eta eragileak: San Juan HLHI, Aralar BHI, Osasun Zentroa, Langaurre Txirrindulari Elkartea, Sutarri Dantza Taldea, Alegiako Mendi Asanblada, Alegiako Argazkizaleen Taldea, Iturri Zahar Guraso Elkartea, Aralarpean Guraso Elkartea, Txintxarri Abesbatza, Intxurre futbol taldea, Intxurre pilota eskola eta Alegiako Gaztetxea.
Deialdiak Alegiako talde eta eragile ugariren babesa jaso du eta herritar orori bertaratzeko deia egin zaio.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!