Azken elurtean Langaurre aldean erori ziren zuhaitzen egurra bildu eta hala nahi duten herritarren artean banatuko du Alegiako Udalak.
Interesatuek izena eman beharko dute lehenik eta ondoren, izena ematen duten pertsona horiekin harremanetan jarriko da Udala banaketa nola egingo den zehazteko.
Izena emateko epea urtarrilaren 29tik otsailaren 2ra egongo da zabalik eta bi bide erabiliz eman ahalko da. Batetik, 9:00etatik 14:00etarako ordutegian udaletxean bertan eta bestetik, komunikazioa@alegia.eus helbidera mezu bat bidalita, izen-abizenak, helbidea eta harremanetarako telefono zenbaki bat emanez.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!