Haurren mailan, argazki onenaren saria Amets Azpilikuetarentzat izan da, eta bilduma onenarena Laia Apezetxearentzat. Gazteetan, argazki onenarena Oneka Artola eta bilduma onenarena Kattalin Leorentzat. Helduetan, argazki onenarena erdibana egin dute, Ane Balerdi eta Olatz Irazustabarrenarentzat, eta bilduma onenarena Ziortza Artolarentzat izan da. Euskara gai moduan hartuta Izaro Iturbek jaso du saria.
"Lehenengoan gustatu zitzaigun eta errepikatu egin dugu"
Gazte mailako sariak eskuratu dituzten Oneka Artola eta Kattalin Leo kuadrilla berekoak dira. 14 urte dituzte eta lehenengo argazki rallyan ere parte hartu zuten. "Aurreko urtean gustatu egin zitzaigun eta aurten ere errepikatu egin dugu", esan du Leok. "Saria irabazita, gainera, gusturago", esan du Artolak.
Leok dio ez duela berez afizio handirik argazkiak ateratzeko: "Eskolan esan zuten argazki rally bat izango zela eta parte hartzeko gogoa sartu zitzaigun". Artolak, bere aldetik, amarengandik jaso du argazkigintzarako afizioa. Aurrera begira ere berriz parte hartzeko asmoa azaldu dute, eta gazte jendeari ere parte hartzera animatzeko deia egin diete.
Argazki eta bilduma saridunak: