Egun, Lazkaoko Txindoki egoitzan bizi da eta urtebetetzea dela eta ekitaldi berezia egin zioten senitarteko eta lagunez inguraturik. Alegiako Udaleko ordezkaritza bat ere bertaratu zen: Agurtzane Lopetegi gizarte langilea eta Unai Iraola alkatea.
Egoitzako langileek eman zioten hasiera ekitaldiari eta Teresaren bizitzaren errepasoa egin zuten. Gazterik alargundu eta bost seme-alabarekin aurrera egiteko izan duen adorea eta Alegian egin duen lan ordainezina azpimarratu zuten. Ondoren, Teresaren birbilobek bi abesti eskaini zituzten gitarra eta tronpetarekin, Teresarekin harreman estua izan zuten herritar batzuk kantuan lagunduta. Tarta janez eman zitzaion amaiera ekitaldiari.
Zorionak Teresa!
