Alegiako Kultura batzordeak Gabonak «zaku bete opari» prestatu dituela dio harro. Herritar guztiak gogoan harturik, norbanako bakoitzak berarentzat moduko jarduera aukeratzea besterik ez du, gabon garaia etxean bertan gozatu ahal izateko.
Horrela abenduaren 15ean hasi eta urtarrilaren 5a bitartean luzatuko da Alegiako gabonetako eskaintza. Aralar institutuak irekiko du ostiralean ekimen zerrenda merkatu txikiarekin, 18:00etatik aurrera plazan kokatuko dira gazteak, saltzeko asmotan.
Musikak zehaztuko ditu hurrnego hitzorduak. Izan ere, Loatzo musika eskolaren kontzertua abenduaren 20an izango da eta talde berdinak emanaldia eskainiko du, hilaren 22an. Gainera, Txintxarri Txiki eta Txintxarri abesbatzek hurrengo kontzertua abenduaren 23rako hitzemanda dute.
Gaztexoenen ilusioa pizteko eguna izango da hilaren 24a, ohitura den bezala, Olentzero eta Mari Domingi irisiko baitira herrira.
Hala ere, egitarauak luze joko du urtarrilaren 5a bitarte, hein handi batean, Gaztelekuaren proposamenari esker.
GABONAK 2017
Abenduak 15, ostirala
18:00. Merkatu Txikia Aralar institutuak antolatuta, plazan.
Abenduak 20, asteazkena
19:30. Loatzo musika eskolako bandaren kontzertua.
Abenduak 22, ostirala
18:30. Loatzo musika eskolaren eguberritako kontzertua Elizpe zinema aretoan.
Abenduak 23, larunbata
19:45. Txintxarri Txiki eta Txintxarri Abesbatzen kontzertua, elizan.
Abenduak 24, igandea
11:00. San Juan eskolako ikasleak abesten kaleetan zehar.
18:30. Olentzero eta Mari Domingiren etorrera. Eskola aurrean itxarongo dituzte. Txintxarri Abesbatza kantari ibiliko da.
Abenduak 25, astelehena
11:15. Txintxarri Abesbatza kantuan meza nagusian.
Abenduak 26, asteartea
10:00-11:30. 6-12 urteko haurrekin ekintzak. Ludotekan.
11:30-13:00. 12-17 urteko gazteekin ekintzak. Gaztelekuan.
Abenduak 27, asteazkena
10:00-11:30. 6-12 urteko haurrekin ekintzak. Ludotekan.
11:30-13:00. 12-17 urteko gazteekin ekintzak. Gaztelekuan.
Gabonetako pilota topaketak Elorri pilotalekuan.
15:30. Argazkia.
16:00. Partidak.
Abenduak 28, osteguna
Gabonetako pilota topaketak Elorri pilotalekuan.
Abenduak 31, igandea
16:00. VIII. San Silvestre Krosa.
19:00. Euskal preso eta iheslariak etxera lelopean manifestazioa.
Urtarrilak 1, astelehena
11:15. Txintxarri Abesbatza kantuan meza nagusian.
12:15. Udal hautetsiek mandarinak eta intxaurrak banatuko dituzte plazan.
Urtarrilak 2 eta 4
Gabonetako eskalada. Iturri Zahar guraso elkarteak antolatuta.
Urtarrilak 5, ostirala
18:30. Errege kabalgata Orendainetik abiatuta.