Kirol ekitaldiei dagokionez, goitibeheren eta harri-jasotzaileen txapelketak nabarmendu dituzte. «Jende asko izan zen bi ekitaldietan, eta Goitibehera Txapelketakoek esan zuten ondo antolatuta zegoela». Kultur ekitaldiei dagokionez, Sutarri dantza taldekoen emanaldia zein Oinkari eta Hika Teatroren Sagartu emanaldia nabarmendu dituzte. Era berean, Txintxarri abesbatzak Erramun Martikorenarekin batera egindako kontzertua ekarri dute gogora. «Arrakasta handia izan zuen, eta pena bakarra izan zen jendea kanpoan gelditu zela, aretoa bete egin zelako», azaldu dute. Bide batez, Jai Batzordetik laguntza eman duten guztiei eskerrak eman dizkiete, eta gonbita egin diete herritarrei batzordean parte hartzera.
Alegiako karmenak 2017
Jai Batzordeak festen balantze «oso ona» egin du
Oso gustura azaldu dira Alegiako Jai Batzordeko kideak Karmen festak nola joan diren ikusita. Balantze «oso ona» egin dute: «Giro onean joan dira, istilu nabarmenik gabe, eta jende asko izan da ekintzetan». Jai Batzordetik gaineratu dutenez, «denon gusturako egitaraua egiten saiatzen gara, eta uste dugu horrela izan dela, adin guztietako jendearentzat izan direla ekitaldiak».
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!