Uztailaren 13an 18:00etan jarriko da indarrean neurri hori eta jaiak amaitu bitartean luzatuko da.
Urtero bezala, Alegiako jaiek hainbat aldaketa eragingo dituzte trafikoan. Horien artean autobusen geralekuen aldaketa aipatu behar da. Uztailaren 13an, osteguna, 18:00etatik aurrera eta jaiak amaitu bitartean, eskualde mailako lineetako autobusek Alegi Pentsuak lantegiaren parean izango dute geraleku bakarra. Uztailaren 17an, astelehena, zerbitzuak ohiko funtzionamendua berreskuratuko du. Horrekin batera, festek irauten duten bitartean erdigunea itxita egongo da ibilgailuentzat.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!