Buruz-buruko lehen mailako txapelketa astelehenean hasiko da Iñaki Artolarentzat. Final zortzirenetan sartuko da lehian pilotari alegiarra, Unai Lasoren aurka jokatuz. Nafarrak Albisuri irabazi zion 22-19, final hamaseirenetan, ataundarra txapelketatik kanporatuz. Partida Zumaian jokatuko da, eta jaialdia 17:00etan hasiko da. Artola eta Lasoren artekoa bigarren eta azken partida izango da. Zumaiako garaileak Iker Irribarriaren aurka jokatuko du final laurdenetan, maiatzaren 1ean, Eibarren.
ATARIA IRRATIA, ZUMAIATIK
Artolaren partida zuzenean emango du Ataria Irratiak astelehenean, 17:30ean hasiko den kirol saioan. Tolosaldean 107.6 fm-n izango da entzungai, eta eskualdean nahiz eskualdetik kanpo ataria.eus webgunearen bidez partida entzuteko aukera izango da.