Alegiako Mendi Asanbladak beste irteera bat antolatu du. Igande honetan izango da, martxoaren 20ean, eta Pagoetako parkera eta erlategira bisita egingo dute. Arditurrira pentsatzen zuten joatea, baina aldatu egin dute plana, Arditurriko bisitarako ez zegoelako lekurik.
Tontokalen elkartuko dira igandean 09:00etan, eta kotxeetan joango dira. Mendi buelta 3,5 kilometrokoa izango da, zailtasunik gabea. Erlategira bisita 13:00etatik 14:00etara izango da, horretarako izena eman behar da, eta alegiakomendiasanblada@gmail.con helbidera idatzi behar da, jakiteko oraindik lekua izango ote den. Hiru euro ordaindu behar dira bisitarengatik.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?