Alegiako Festetako Esku Pilota Txapelketa azken txanpara iritsi da. Finalerdiak ekainaren 19an jokatuko dira Elorri pilotalekuan, 21:30ean hasita. Kadeteen mailan, Arandia-Zubeldiak Oiarbide-Etxeberriaren aurka jokatuko dute. Ondoren, afizionatuetan, Urretabizkaia-Telletxeak Arteaga-Erasunen aurka jokatuko dute. Zortzi pilotari horietatik hiru Intxurre elkartekoak dira: Arandia, Oiarbide eta Urretabizkaia.
Finalak uztailaren 18an jokatuko dira, 18:00etan.
Aurrez, beste bi finalerdi
Herriko txapelketaz gain, Elorrin Udaberri Txapelketako partidak ere jokatzen ari dira. Lau t’erdiko finalerdiak gaur izango dira bertan, 18:00etatik aurrera. Kadeteetan, lehen mailakoen artean, Intxurreko bi pilotari izango dira aurrez-aurre: Aizpitarte eta Zubeldia. Ondoren, lehen urteko jubeniletan, etxeko Irazustabarrenak Azkonobieta lazkaotarraren aurka jokatuko du.