Alegiako Gaztetxeak 27 urte bete ditu, eta ospatzeko urteurren festa ari dira egiten. Babarrun jatearekin ekin diete festari, eta bertan 60-70 herritar bildu dira giro alaian.
Adin askotariko jendea elkartu da gaztetxean, eta antolatzaileek azaldu dutenez, gehienak gaztetxetik pasatako jendea. Hala, eskerrak eman nahi izan dizkiete, urteurren festa honetan ezezik gainerako ekimenetarako beti laguntzeko prest azaltzen baitira. Aurrerantzean ere, gaztetxea herriko gazteen elkargune izatea da Alegiako gaztetxeko kideen nahia.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!