Ez da lehenengo aldia Karmele Pellejerok bere lanak erakusten dituela Alegiako Erretirodunen tabernan. Oraingoan margolanak erakusteaz gain, fofutxa panpinak ere jarri ditu ikusgai.
Margolanetan, landareez gain, marrazki bizidunetako zenbait pertsonaien koadroak zintzilikatu ditu, Monster High eta Mickey Mouse saioetakoak, esaterako. Fofutxa panpinei dagokionez, besteak beste, Eguberriekin zerikusia duten pertsonaienak egin ditu artista hernialdearrak.
Erakusketa ikusgai izango da abenduaren 31 arte, eta Erretirodunen tabernan jarri ohi diren beste erakusketetan bezala, aukera dago artelanenak erosteko. Horretarako tabernan bertan jarrita dago Pellejeroren telefono zenbakia.
Erretirodunen tabernan jarri du hernialdearrak erakusketa; urte bukaera arte egongo da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!