Mailaz mailako taldeen balorazioa ere egin du Intxurrek. Horiek horrela, erregionaleko taldeak denboraldi guztia hamalau jokalarirekin egin dutela esan du, preferente mailarako igoera fasea jokatzen aritu direla ere gogoratu du; "akats pare bat direla eta igotzeko aukerarik gabe gelditu dira".
Jubenilak beren aldetik, sailkapen fasea jokatu ondoren Gipuzkoako Kopa jokatzen aritu dira eta final laurdenak arte iristea lortu dute.
Kadeteen mutilen taldeak ere lehenengo fasea eta igoera fasea jokatu dituzte, eta baita lortu ere, datorren ikasturtean kadete ohore mailan ariko dira. Denboraldi guztian etxean partidu bakarra galdu dute eta denboraldi bikaina egin dutela gogoratu du Intxurre taldeak.
Kadeteen nesken taldeak egindako lana ere nabarmendu dute, eta Inmaira entrenatzailearen lana txalotu. "Azken fasean Gipuzkoako Kopa jokatzen aritu dira eta kopa etxera ekarri dute. Benetako sorpresa izan da talde honen lana eta gogoa eta aurrerantzerako bidea jarri dute", esan dute.
Infantil mutiletan bi talde aritu dira, "hau ikusita Intxurrek badu etorkizuna", esan dute. Bi taldeetan gazteenak Gipuzkoako Futbol Federakuntzaren Kiroltasun Saria jaso du, gainera.
Infantil neskak futbol 8an aritu dira eta asko saiatu direla dio taldeak, "nahiz eta emaitzak ez lagundu".
Ikasturteak emandakoa ospatzeko afari bat egin zuten herriko plazan, bertan opariak ere banatu zituzen, maila bakoitzeko jokalari bat sarituz. Hauek izan ziren saridunak:
- Erregionaletan Aritz Peña
- Jubeniletan Unai Mujika
- Kadete mutiletan Ibai Amundarain
- Kadete nesketan Lorea Senperena
- Infantil mutiletan Unai Agote eta Aritz Murua
- Infantil nesketan Oihana Agirreurreta