Jende asko gerturatu zen atzo, Alegiako Azoka Ekologikora. Belostegi Herri Baratzeak elkarteak antolatu zuen azoka lehen aldiz, eta eguraldiak ere lagundu zuen.
Postu asko ikusi ahal izan ziren; Blasenea-Karabele eta Lurberri etxeen hazi eta landareak, Aldaba Zahar baserriko gazta, jogurt, ogi, flan eta bestelako elikagaiak eta Xaxki dendako produktuak. Horretaz gain, Kimu Bat plataformako kideak baratzeetako erabiltzaileek euren jardueraren inguruan izan zitzaketen galderak eta zalantzak argitu zituzten eta eguerdian baratze tailer bat eskaini zuten Baratze Parkeko lursail batean.
Era berean, Aralar Institutuko ikasleek pintxoak jarri zituzten salgai.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!