Alegiako gaztetxearen 25. urteurrenaren harira udaberriko egitasmoa bihar, hilaren 15ean, jarriko dute martxan. Zuloak eta Surfin Kaos taldeek kontzertua eskainiko dute gaztetxean, 22:30etan hasita. Sarrerak bertan jarriko dituzte salgai, zazpi eurotan. Gaztetxetik eskualdera deialdia luzatu dute.
Surfin Kaos hiruko donostiarrak Goizalde surrealistak diskoa aurkeztuko du Alegian, rock&roll-a ardatz. Zuloak, aldiz, Fermin Muguruzak sustatutako taldea da, hain zuzen ere, film dokumental baten aitzakian sortutakoa.