Pasa den uztailetik Elena Tuduri. Erramuaren sekretua: Euskal jantzien ikerketan aitzindaria eta Goikoetxea bilduma erakusketa bisitatu daiteke Zumalakarregi Museoan. Erakusketa Albizturko Goikoetxea baserrian aurkitutako bildumaren zati batek osatzen du eta pasa den ostiraletik pieza berri bat ikusi daiteke; boluntario erregetiarren txakoa edo burukoa. Boluntario Erregetiarrak Fernando VII.ak 1823an sortutako miliziaren izena izan zen. Boluntario Erregetiarrak 1821.etik erregimen konstituzionalaren aurka altxatutako gerrilletan sortu ziren.
Albizturko Goikoetxean gordetako burukoa Manuel Laskibar eta Ezeizarena (1806-1871) zela esan du museoak, boluntario erregetiarra, 1827.ean Batailoi kapitain izendatua. Buru-babesaren aurrealdeko xaflak jabearen errejimendua eta zenbakia ditu. Kasu honetan 6 zenbakia du eta Tercios guipuzcoanos irakurri daiteke, Foru Aldundiak lurraldea 8 barrutietan zatikatu zuen eta seigarrenari dagokiolako.