Haritz Azurmendi Arrue albizturtarra filosofoa da ikasketez. Joxe Azurmendi euskal filosofoaren pentsamenduari buruzko lehen tesia egina du. Uztailean aurkeztu zuen bere tesia, eta berarekin hitz egin dugu filosofiaz, tesiaz eta batez ere Joxe Azurmendiz.
Doktore gai baten bizitza, lau urtez, oso prekarioa dela azpimarratu du. Joxe Azurmendiz, berriz, "bere belaunaldiarekin batera, hor egon da, ia-ia euskararen eta euskal kulturaren azken 50 urteetako momentu klabe guztietan".
Udako Euskal Unibertsitateko Filosofia Saileko arduraduna ere bada. Bestalde, Joxe Azurmendi Katedraren bueltan dabil, eta orain, buru-belarri Euskal Pentsamenduaren Ur-jauzia kongresuarekin ari da.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
