Duela lau urtekoa ez da gertatu Albizturren, hau da, udal hauteskundeetarako zerrenda osatu dute. Iñaki Orbegozo Arrospide da zerrendan lehena, baina, nahiz eta hauteskundeak irabazi, oraindik ez dakite karguak nola banatuko dituzten eta nor izango den alkate. 145 boto lortu ditu taldeak, 2 PSE-EEk, Zuriak 2 eta baliogabea 1 izan da.
Orbegozorekin batera hauek osatzen dute zerrenda: Mikel Galarza Arrue, Alazne Urkizu Galarraga, Aingeru Galarraga Barandiaran, Aitziber Orbegozo Arrospide, Larraitz Ezeiza Artola eta Unai Dorronsoro Olarra.