Ama Birjin Egunean hamaiketakoa izan dute adinekoek eta haurrek pilota partidak jokatu dituzte. Frontoian elkartu dira guztiak.
Mezarekin hasi dituzte gaurko ekitaldiak, eta aurretik zein ondoren, herriko txistulariak aritu dira giroa jarriz. Hamaiketakoa dastatzeko aukera izan dute ondoren adinekoek, haurrak pilota partidetarako prestatzen ari ziren bitartean.
Herriko haurrak aritu dira palan zein eskuz, eta azkenean denek oroigarria jaso badute ere, gogoz aritu dira norgehiagokak irabazteko.
Gaur bukatuko dira jaiak Albizturren, baina oraindik badira hainbat ekitaldi festez gozatzeko.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
