Albizturko Andramari jaiak 2018

Frontoia, festaren erdian

Ama Birjin Egunean hamaiketakoa izan dute adinekoek eta haurrek pilota partidak jokatu dituzte. Frontoian elkartu dira guztiak.

Mezarekin hasi dituzte gaurko ekitaldiak, eta aurretik zein ondoren, herriko txistulariak aritu dira giroa jarriz. Hamaiketakoa dastatzeko aukera izan dute ondoren adinekoek, haurrak pilota partidetarako prestatzen ari ziren bitartean.

Herriko haurrak aritu dira palan zein eskuz, eta azkenean denek oroigarria jaso badute ere, gogoz aritu dira norgehiagokak irabazteko.

Gaur bukatuko dira jaiak Albizturren, baina oraindik badira hainbat ekitaldi festez gozatzeko.