Xabier Telletxea pilotariak eta Julen Dorronsoro txirrundulariak bota dute aurtengo jaietako suziria. Ordurako, bizikletak prest zituzten herriko hainbat haurrek eta gaztek. Izan ere, txupinazoaren ondoren, VI. Albiztour bizikleta lasterketa jokatu dute. Lehenengo, haurren txanda izan da, eta azkarrenak ez du pedalen beharrik ere izan lehenengo iristeko. Gazteek, berriz, ziztu bizian egin dute Albizturko plazako igoera.
Gauean, herri afaria egingo dute eta Kupela taldeak alaituko du lehen erromeri gaua. Eguraldia lagun, albizturtarrek ez daukate aitzakiarik dantzarik ez egiteko.
Ikusi hemen egitaraua.
