Babarrun dezente ereiten da Albizturren, baina babarrun herri bazkaririk ez da egin, eta guraso elkartetik pausoa ematea erabaki dute. Ekitalditik ateratzen den dirua, hain justu, guraso elkartearentzat izango da.
14:00etan hasita «bazkari mundiala» egingo dute, beraz, azaroaren 19an: babarrunak, sakramentuak, postrea, kafea eta kopa izango dute menuan. Helduek 22 euro ordaindu behar dituzte eta 12 urte arteko haurrek 10 euro.
Bazkariaren ondoren, bertso saioa izango dute puntako bertsolariekin, umeentzako ekitaldiak eta txokolate jatea. Bazkarirako txartelak salgai daude Elane jatetxean eta Herriko Ostatuan, eta epea hilaren 13an bukatzen da.