Berrikuntza ugarirekin dator aurten Ataria Irratia! Hauspo artean irrati saio berria jarriko da martxan larunbat honetan.
Ander Malbadik gidatutako trikiti saioa da. Mikrofonoaren atzean ez da bakarrik egongo albizturtarra; astero gonbidatu berezia izango du ondoan. Larunbat honetan Asier Unsainen txanda izango da.
Larunbatero emitituko da 12:00etan eta errepikapena entzuteko aukera izango da astelehenetan, 20:00etatik aurrera. Ataria irratian, 107.6 frekuentzian entzun ahal izango da, baita www.ataria.info webgunean ere.
Galdu egingo al duzu?
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?