Corrugados lantegian lapurreta egiten aritu ziren taldeko kideen bila dabil Ertzaintza. Poliziaren hipotesi nagusia, hain justu, hildakoaren ustezko taldekoek utzi zuten gorpua Albizturko errepidearen ondoan.
Gorpua aurkitu zuten egunean bertan Ertzaintzak ondorioztatu zuen ez zela auto batek harrapatuta hil, eta, beraz, beste leku batean hil zela eta ondoren gorpua bertan utzi. Ondoren jakin zuten Corrugados lantegian odol putzu bat aurkitu zutela enpresako zaindariek, eta ikerketa abiarazi zuten bi gertaerek zerikusia izan dezaketen argitzeko. Ikerketa zabalik dago, eta oraindik poliziak ez du lortu ustez lapurretan aritu ziren taldeko kideak atzematea.