GI-3042 errepidean, Albizturren, Santa Marina aldera, 1. kilometroan sute bat piztu da Arkaizpegurrak S.L. zerrategian. 10:25ean piztu da sua zerrategiaren kanpoaldean eta Segurtasun Sailetik Ataria-ri jakinari diotenez "ondoko pinudira zabaltzeko arriskua" sortu da.
Basozainari jakinarazi diote sutearen berri, eta segituan bertaratu dira suhiltzale, Ertzain nahiz Gurutze Gorriko langileak, eta ordubeteren buruan, aldameneko pinudia arriskuz kanpo geratu da. Horrela, errepidea zabaldu dute eta lanari jarraitu diote. Zerrategi barruan makina batek su hartu du ezbeharraren ondorioz, eta horretan dihardute suhiltzaileek.