Zenbait erretirodunen ekimenez, eta Harizpe elkartearen laguntzaz, Urte berria, ekimen berria egitasmoa antolatzen ari dira. 13:00etan elkartuko dira eta 14:00etan izango da otordua, Harizpe Erretirodunen Zentroan; txartelak salgai daude, 30 euroren truke.
'Semaforoa'. Antzerkia, bideo-animazioa, interakzioa eta musika uztartzen ditu. Enekok ez die kasurik egiten semaforoei. Berehala lortu nahi ditu gauzak eta, horregatik, semaforoak oztopo bat dira berarentzat. Semaforoa gorrian dagoela, bidea zeharkatu eta ziztuan igaroko den argi erraldoi batek ia-ia bertan irentsiko du. Sustoarekin ametsezko mundu batean sartuko da.
'Andereño'. Anita Maravillas (Euskal Herria). 55 minutuko iraupena eta euskaraz. 7 urtetik gorakoentzat.
Bambalina teatre practicable. 'Txotxongilo kontzientea'. Lau hamarkadatik gorako ibilbidean zehar, Valentziako Bambalina Teatre Pracicable konpainiak proposamen eszeniko interdiziplinarra garatu du, txotxongilo eta objektuen erabileratik abiatuta, eta erakusketan haietaz gozatu ahal izango dugu. Bambalinak, arte eszenikoetan txotxongiloa legitimatzeaz gain, publikoa bere adinaren arabera bereizten duten konbentzioak desitxuratu nahi ditu, entzule guztiak maisuki elkartzen dituzten obrak aurkeztuz.
Irurako VI. Frontenis Txapelketa. Binakakoa. Gazte Asanbladak antolatuta.
Aitor Ruiz de Eguino eskultore, margolari eta zeramistaren erakusketa. Tartean ondorengoak ikusgai daude: aluminioa mihize bezala hartuta lau margo eta aluminiozko perfilekin egindako paretan zintzilikatzeko bi eskultura.