Igandea, uztailak 25

11:00

Bisita gidatua

Altzoko Handia ezagutzeko bisita gidatua. Uztaileko lau igandetan izango dira bisita gidatuak eta nahitaezkoa izango da izena ematea:943 65 24 13, udala@altzo.eus, 943 65 22 62 edo zatozaltzora@gmail.com -ean. Sei urtetik gorakoek sarrera ordaindu beharko dute: 3 euro. 11:00-13:30 artean.

12:00

Bisita gidatua

Iazko esperientziari jarraipena emanez, Amezketako Udalak herria ezagutzera emateko bisita gidatuak antolatu ditu; hilaren 17an hasi eta irailaren 12ra bitarte luzatuko dira. 'Argi ezkutuaren bila' izenpean, herritarra den Agurtzane Garmendiak egingo ditu bisita gidatuak.   Bost geldiuneko bisita gidatua da, eta ordu eta erdiko iraupenean egiteko modukoa. San Bartolome elizaren atzeko aparkalekua da bisitarien topagune eta abiapuntua, eta obretan egon den eta udalak guztiz berritu duen Ierabizkar errotan amaituko dute bisita. Errota bera bisitatuko dute, eta bisita gidatuetarako errota martxan jarri nahi dutela esan dute udaletik. Aldez aurretik erreserba egitea ezinbestekoa izango da. 657 370 156 telefono zenbakira deituz edo WhatsApp mezua bidalita. Ohiko sarrera hiru eurokoa izango da, eta murriztua den kasuan, 1,5 euro ordaindu beharko da. Lau urtetik beherako haurrentzat doan izango da. Eta gehienez ere 20 pertsonako taldeak osatuko dituzte.

13:00

Kontzertua

Gorka Hermosa eta Garikoitz Mendizabalen folklore fusionatua kontzertua. "Garikoitz Mendizabalek eta Gorka Hermosak proiektu berria dakarte: tradizioa eta modernitatea uztartzen dituen XXI. mendeko euskal kulturari begirada berria. Folklorearen, jazzaren eta musika klasikoaren arteko distantziakidetasun zainduari eutsiz, euskal eta iberiar penintsulako erritmoak eta doinuak, jazzaren askatasuna eta musika klasikoaren konposizio-prozesuen konplexutasuna uztartzen dituzte. Horretarako, Gorka Hermosak konposatutako errepertorioa lantzen dute, 4 aldiz urteko konposiziorik onenaren saria azken 6 urteetan, akordeoilarien Munduko Konfederazioaren akordeoi Saria... Errepertorio hau Berlingo Filarmonikoan, Washingtongo National Opera Kennedy Center-en eta beste toki ospetsu batzuetan interpretatu da, bai bakarlari ezagunek bai 3 kontinentetako 20 orkestrek". Txistulari plazan, baina euria eginez gero, Gurea antzokian. Kontzertua hasi aurretik Atari Bizi lehiaketaren sari banaketa egingo da.

19:00

Bertso saioa

Alaia Martin, Nerea Ibarzabal, Oihana Iguaran, Sustrai Colina, Unai Iturriaga eta Iker Zubeldia bertsolariekin; eta Amaia Agirre gai-jartzaile lanetan. Arroako plazan, baina euria eginez gero, Olaederra kiroldegian.

22:00

Kultura plazara

22:00. 'Markak' komiki kontzertua, zezen plazan. Sarrerak www.kulturaplazara.eus atarian salgai.

Erakusketa. Xilografia ikastaroko ikasleen lanak

Jabetze Eskolako xilografia ikastaroko ikasleen lanak ikusgai egongo dira Emakumeen Etxeko erakusleihoetan.

16:00

20:00

Erakusketa. Herriko artistak

Herriko artisten lanen erakusketa.

Erakusketa. 'Mandala'

Edurne Sudupe Zabaloren 'Mandala' erakusketa.

Txapelketa

'Zizurkilgo Herria' Lau eta erdiko afizionatuen pilota txapelketa jokatuko da. Promesa eta elite mailako pilotaririk onenak ikusteko aukera eskainiko du txapelketak. Abuztuaren 7an jokatuko dira finalak.

10:00

20:00

Ohe elastikoak

Ohe elastikoak izango dira Trianguloa plazan. Fitxa bat (euro bat), hiru fitxa (bi euro) eta zortzi fitxa (bost euro). Astelehen goizak doan izango dira herritar guztientzat. Gonbidapenak orduka emango dira, eta Bibe.me plataforman eskuratu ahal izango dira. Pertsona bakoitzak gehienez hiru gonbidapen hartu ahal izango du ordu bakoitzeko.