Asteartea, urtarrilak 30

15:00

Nerea Mendizabalen hitzaldi irekirako izen-ematea zabalik du Zubimusu Ikastolak

0-6 adin tartean haurrak dituzuen familiei, eta interesa duen edonori zuzenduta, Nerea Mendizabal psikopedagogoak gidatuko duen bigarren hitzaldia izango da. “Haurrenganako konfiantza garatzen” lelopean, haurrengan konfiantza izateko baldintzen inguruan lanketa egingo da: “Gure seme alabek beraiengan konfiantza izatea nahi dugu eta horretara ezinbestekoa da gu beraiengan konfiantza izatea. Zerk oztopatzen dit konfiantza izatea? Noiz eta nola egon naiteke seguru kontrola askatzeaz beraiek hegan egin dezaten? Hitzaldia irekia eta doakoa izango da. Bertan parte hartzeko, urtarrilaren 29a baino lehen, izena eman behar da. Horretarako, ikastolako idazkaritzara deitu behar da (943692321 Zentroa).  

18:00

Kaldereroetarako entsegua

Kaldereroak otsailaren 2an iritsiko dira Ibarrara, eta bertan, herritarrez gain, Uzturpeko ikasleek eta Loatzoko musikariek hartuko dute parte. Hauspoa kultur elkarteak antolatu ohi du kalejira, eta aurten aurrez entsegu bat egingo dute.  

19:00

Bilera irekia, ekintzak antolatzeko

Martxoak 8aren inguruan ekintzak antolatzeko bilera irekia egingo da, ideiak eta proposamenak biltzeko.

19:00

Tolosaldeko AFAGIren aurkezpen hitzaldia

Alzheimer gaixoen senideek taldea osatu dute Tolosaldean, eta aurkezpen hitzaldia egingo dute. Eskualdeko familiei dei egiten zaie parte hartzera.

10:30

10:30

Gorputz adierazpena ikastaroa

Gorputz adierazpen ikastaroa, urtarrilaren 27an, eta otsailaren 3,17 eta 24an. Izen-ematea: urtarrilaren 19ra arte, udaletxean, liburutegian, edo e-mailez:tsoto@anoeta.eus.  Prezioa: 25 euro.