Egunotan El Salvadorreko Segundo Montes komunitateko bi kide Euskal Herrian dira Euskal Fondoak eta Aiztondoko udalak gonbidatuta. Ana Lucinda Argueta, Ipar Morazango udaleko turismo saileko arduraduna, eta Rosibel Chicas Padre Segundo Montes Institutu Teknologikoko ostalaritza eta turismoko ordezkari teknikoa datorren astelehenera arte izango dira gure artean.
Asteazkenean El Salvadorreko ordezkariek Ordiziako azoka ezagutu eta Zerainen eguna pasatu ondoren, Adunara gerturatu ziren. Bertako udal ordezkari eta herritarrekin egin zuten saioa. Aduna eta Ipar Morazanen arteko harremanetan sendotzen jarraitzeko balio izan du elkar trukeak.
