Atzo eta gaur jokatu dira IX. Ataria Pilota Topaketaren barruan palako finalerdiak Adunako frontoian. Honenbestez, erabakita geratu da zein bi bikotek jokatuko duten finala Berrobin, ekainaren 29an: Arruti - Garitano bikotea, Ortiz de Murua - Elola bikotearen aurka arituko da.
Ostegunean jokatu zen lehen finalerdia eta Intza Arruti eta Alatz Garitano zizurkildarrek 20 eta 15eko emaitzarekin gainditu zituzten Ortzi Mujika eta Irati Elosegi.
Gaur, berriz, ostiralarekin, Adunako frontoian jokatu dute bigarren finalerdia. Intxurreko Jokin Ortiz de Murua eta Aitziber Elolak 20 eta 13ko emaitzarekin garaitu dituzte Bidania-Goiatzeko Xuhar Uzkudun eta Unax Lasa.