Adunako Apakintza baserrian jaio zen eta hamalau urterekin hasi zen harriak altxatzen. Gaztetan boxeolari aritu zen, baina gerora utzi eta harri jasotzen hasi zen. Lorpen handiena Tolosako Beotibar pilotalekuan izan zuen; 1982an 185 kiloko harri zilindriko zaharra altxa zuen bi aldiz esku bakar batez; orduan 77 kilo pisatzen zituen. Harri lantzen aritu izan da eta ezagunak dira oso Gorostidi Harriak. Harrien miniaturak eta bestelako apaingarriak egin izan ditu. Azken urteetan bere izena duen harri jasotze txapelketa egin da Adunan.
Bihar, 18:00etan, Adunako Andre Maria Jasokundearen elizan egingo diote azken agurra.
