Kultur astearen barruan, Gazte Eguna ari dira ospatzen Adunan. Goizean herri jolasak izan dituzte, eta plazan egin duten herri bazkarian 40 pertsona inguru elkartu dira. Arratsaldean toka txapelketa izango dute, eta iluntzean elektrotxarangak girotuko du herria.
Bihar bukatuko da kultur astea, hainbat ekitaldirekin. Goizean, 11:30ean, hurrengo urteko Eskola Txikien Festarako logoa aurkezteko ekitaldia egingo dute. Izan ere, Adunako eskolak hartuko du hurrengo urtean Eskola Txikien Festa, aurten Lizartzako eskolaren lekukoa jaso eta gero. Ekitaldiaren ostean pintxoak dastatzeko aukera izango da.
Goiza borobiltzeko, 12:30ean, Loatzo musika bandaren emanaldia izango da.