Adunako herrigunetik Zubi Txiki industrialdera bitarteko bidea egokitu du udalak. Oinezko eta bizikletentzako espaloi mistoa eraiki dute eta argiteria jarri. Iazko aurrekontuan jasotako inbertsio nagusia izan zen bidearen egokitzea eta 580.000 euro bideratu dituzte lan horietara.
2013an egin zuten Villabona eta Zizurkil aldera doan bidean obra eta orain Andoain aldera doana egokitu dute, oinezkoentzat eta bizikletentzat segurtasuna bermatuz.
Plan orokorraz
Hiri Antolamenduko Plan Orokorraren aurkezpena eta herriaren diagnostikoa egin eta beharrak identifikatzeko saioa egingo dute, apirilaren 27an, Adunan. Parte hartze tailerra kultur aretoan egingo dute 18:00etatik 19:30era eta herritar guztiak gonbidatu dituzte parte hartzera.
