Ospatzeko garaia da

'Hazi Hezi' aldizkariaren hamargarren urteurrena ospatzeko festa egin dute Adunan; Alaia Martinen agur bertsoa, Nerea Mendizabalen hitzaldia, haurrentzako eskulanak eta Porrotx eta Marimototsen emanaldia izan dira tartean.

Eguraldi onarekin batera, festa giroa izan dute goizean Adunan. Izan ere, duela hamar urte, irakasleen, gurasoen, psikologoen eskariz sortu zen Hazi Hezi aldizkariaren urteurrena ospatu dute herriko plazan; euskara hutsez argitaratutako haziera eta heziketa gaiei buruzko aldizkariaren urteurrena, hain zuzen.

Alaia Martinek eman dio hasiera festari, agurreko bertsoarekin. Horren ostean, Nerea Mendizabal psikopedagogoak hezitzaile eta gurasoentzako hitzaldi bat eskaini du familia gatazken inguruan, eta aldi berean, Alazne Ugartetxea irakasleak eskulanak egin ditu umeekin. Festa amaitzeko, Porrotx eta Marimototsek ikuskizuna eskaini dute.

Erlazionatuak

'Hazi Hezi' aldizkariak Adunan ospatuko du 10. urtemuga

Aduna

Maiatzaren 29an egingo dute haziera eta heziketa gaiei buruzko aldizkariaren urteurrena ospatzeko festa; goiz osoan zehar izango dira ekitaldiak pl...
"Harpide eta irakurleekin ez ezik, herritarrekin, herritar ororekin ospatu nahi dugu eguna"

Aduna

Hazi Hezi aldizkariaren hamargarren urteurrena ospatzeko festa egingo dute Adunan maiatzaren 29an. Herriko plazan, 11:30etik 14:00etara egingo ditu...

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!