Sindikatuak elkartasuna eta babesa azaldu die hildakoaren senitartekoei, lagunei eta langilearen lankideei. "Badirudi modu honetako lan-istripu hilgarriek ( iktusak, bihotzekoak eta abar) ez dutela lanarekin zerikusirik; aldiz, azken urteetako datuei erreparatzen badiegu ikusiko dugu 2020an lan-istripu baten ondorioz hil ziren langileen %25 istripu ez traumatiko baten eraginez zendu ziren. Aurtengo datuei erreparatuz gero, lanean zendu diren 23 langiletik 5 zendu dira istripu ez traumatiko baten eraginez. Datuak oso argigarriak direla iruditzen zaigu eta hauen atzean dauden benetako arrazoiak Instituzioek zein patronalek sakon aztertu beharko lituzkete". Esan du, era berean, heriotza horien arrazoia bat dela, prekarietatea, eta horren ondorioz ematen direla lan erritmo jasanezinak, lan baldintza geroz eta kaskarragoak, lan karga izugarriak edota estresa.
"Lan-harremanetan langile klasearen osasunak eta segurtasunak zentralitatea hartzen ez duen bitartean, ezingo dugu egoera honekin amaitu. Zoritxarrez ondorio lazgarri hauek langile klaseak pairatzen ditu. Borondate politikoa eta enpresarien behin-betiko konpromisoa besterik ez dira behar honekin amaitzeko", esan du.
