Adunako Udalak jakinarazi duenez, baliteke egunotan hartutako neurri berriak direla-eta, kultur asteko egitarauan aldaketak egin edo zenbait ekitaldi bertan behera utzi behar izatea. Hala balitz, horren berri emango dutela aipatu dute udal arduradunek.
Hauek dira antolatu dituzten ekitaldiak kultur astearen barruan:
AZAROAK 9, ASTELEHENA
19:00. Elizan solasaldia Emeren Gelbentzu eta Alaitz Aizpurua psikologoekin: COVID-19ak urrundu ala elkartu egin gaitu? Zerbait ikasi ote dugu?.
AZAROAK 10, ASTEARTEA
19:00. Elizan familia ikuskizuna. Pituxa Clowntu Kontari saioaz gozatu ahal izango da.
AZAROAK 11, ASTEAZKENA
18:30. Elkartasun ekitaldia herriko plazan. Herriko udal furgoneta zaharraren eskaintza egingo zaie Saharar Errefuxiatu Kanpamenduetako biztanleei.
19:00. Magia ikuskizuna haur eta familientzat Asier Kidam magoaren eskutik elizan. Aroa eta Mirariak lana eskainiko du.
AZAROAK 12, OSTEGUNA
19:00. Familia ikuskizuna eskainiko du Ekainek elizan. TitiritERO emanaldia izango da ikusgai.
AZAROAK 13, OSTIRALA
21:00. Elizan 16 urtetik gorakoentzako antzerki lana izango da ikusgai. Birritan bortxatua lana eskainiko dute bertan eta bortxaketa bat pairatu duen emakume bat da protagonista.
AZAROAK 14, LARUNBATA
19:00. Ibarrako Alurr dantza taldearen ikuskizuna frontoian.
AZAROAK 15, IGANDEA
12:00. Frontoian Adunako dantza suelto erakustaldia egingo dute. Trikitian Liher Mentzalakoa eta panderoan Xabier Leturia arituko dira. Txistulari gisa, berriz, Mikel Elola, Arkaitz Izagirre eta Jon Ander Belamendia. Dantza bikote hauek hartuko dute parte: Aimar Garaiar-Amaia Aizpurua; Aritz Maiza-June Tejeria; Gorka Duran-Maitane Irurzun.