Adunako biodibertsitatea ezagutzeko irteera ekainaren 9an

Ekainaren 9an, 09:30etik 11:30era izango da irteera eta parte hartzeko aurrez izena eman beharko da ekainaren 7a baino lehen, udala@aduna.eus helbidean edo 943 69 25 71 telefonoan.

Adunako Udalak eta Aranzadi zientzia elkartek Adunan dagoen aniztasun biologikoa ezagutzera emateko mendi irteera antolatu du. Ekintza honen helburu nagusia ingurumena ezagutu eta harekiko interesa piztea da. Gertuko animali basatien ezaugarriak ikasiko dituzte eta bereziki inguruko hegaztiak behatuko dituzte. Beste animalia eta landareak ere aztertuko dituzte irteeran.

Ibilbidea egiteko arropa eta oinetako erosoak, ura eta prismatikoak eramatea gomendatzen dute irteeraren antolatzaileek.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!